Опубликовано: 12 июня 2013, 18:38
24

Гран-пры конкурсу выканаўцаў “Адна зямля” сёлета атрымала Дар’я Атрошанка з Маладзечна (ФОТА)

9 чэрвеня ў амфітэатры горада Маладзечна прайшоў 15-ы штогадовы рэгіянальны фестываль-конкурс выканаўцаў эстраднай песні “Адна зямля - 2013”. Чацвёрты год запар Гран-пры дастаўся спеваку з Маладзечна.

У фестывалі-конкурсе штогод удзельнічаюць прадстаўнікі Вілейскага, Маладзечанскага, Ашмянскага, Смаргонскага, Астравецкага, Валожынскага і Мядзельскага раёнаў. Край.бай анасаваў гэтую падзею.

Дэлегацыі ўсіх сямі раёнаў выйшлі на сцэну. У кожнага канкурсанта былі ў руках паветраныя шарыкі пэўнага колеру – атрымалася вясёлка.

Изображение 2

Изображение 1

Изображение 4

Начальнік аддзела культуры Маладзечанскага райвыканкама Аляксандр Рамановіч вітаў удзельнікаў і гледачоў. “Жадаю ўсім цудоўнага настрою, станоўчых эмоцый і незабыўных уражанняў на гасціннай Маладзечаншчыне, а канкурсантам – творчых поспехаў”, – сказаў ён пад час цырымоніі адкрыцця.

Аляксандр Рамановіч

Изображение 6

Сцяг фестывалю ўзнялі ўладальнік Гран-пры 2012 года Артур Міхайлаў з Маладзечна, самая маладая канкурсантка 9-гадовая Ксенія Крышаловіч і Аляксандр Рамановіч.

Изображение 7

Пасля ўдзельнікі адпусцілі ў неба рознакаляровыя шары.

Першым, па-за конкурсам, выступіў Артур Міхайлаў. А конкурсную праграму распачала прадстаўніца Мядзельскага раёна Вікторыя Гурыновіч.

У конкурсе прымалі ўдзел выканаўцы чатырох узроставых груп:

1-я група – ад 9 да 13 гадоў,

2-я група – ад 14 да 17 гадоў,

3-я група – ад 18 да 23 гадоў,

4-я група – ад 24 да 30 гадоў.

Удзельнікі могуць выконваць песні як беларускіх, рускіх, украінскіх кампазітараў і паэтаў, так і ўласныя творы. Гэта павінны быць два рознахарактарныя творы. Адзін з іх – беларускага аўтара і пажадана на беларускай мове. Кожны з раёнаў можа заявіць не больш за двух канкурсантаў у кожнай з груп.

У склад журы ўвайшлі:

Алег Елісеенкаў – дацэнт кафедры мастацтва эстрады Беларускага дзяржаўнага ўніверсітэта культуры і мастацтваў, старшыня журы;
Яўген Асташоў – загадчык сектара навучальных устаноў і кадраў упраўлення культуры Мінскага абласнога выканаўчага камітэта;
Юрый Лейко – дырэктар Мінскага дзяржаўнага каледжа мастацтваў;
Марк Коп – вядучы метадыст Гродзенскага абласнога метадычнага цэнтра народнай творчасці, кампазітар;
Алег Комар – вядучы метадыст па вакальна-харавому жанру Гродзенскага абласнога метадычнага цэнтра народнай творчасці.

Прадстаўленне журы

Изображение 8

Конкурс доўжыўся з 12.00 да 18.00. Найбольш удзельнікаў – восем чалавек – заявіў Маладзечанскі раён. Смаргонскі і Вілейскі – па сем. Найменш канкурсантаў абараняла гонар Валожынскага раёна – адна Татэвік Грыгаран.

Изображение 9

Изображение 10

Изображение 11

Изображение 12

Изображение 13

Паміж выступленнямі другой і трэцяй узроставых груп адбыўся канцэрт гурта "Маладзечна" Чысцінскага Дома культуры.

У 20.00 для ўзнагароджання на сцэну запрасілі членаў арганізацыйнага камітэта, якія ўручылі пераможцам падарункі.

Старшыня журы Алег Елісеенкаў

Изображение 14

Изображение 15

Изображение 16

Па выніках конкурсу лаўрэатамі сталі:

Прыз “Творчая надзея” – Віталь Рогач (Вілейскі раён),

Прыз глядацкіх сімпатый – Аляксандра Корсак (Вілейскі раён),

Прыз “Лепшы выканаўца твораў мясцовых аўтараў” – Вікторыя Ермак (Астравецкі раён),

Прыз за артыстызм – Анастасія Пілецкая (Астравецкі раён),

Прыз за асаблівасць сцэнічнага вобраза – Вераніка Гапанёнак (Маладзечанскі раён),

Прыз за сцэнічную культуру – Татэвік Грыгаран (Валожынскі раён),

Прыз за патрыятызм – Вікторыя Багінская (Мядзельскі раён),

Прыз за эмацыйнасць выканання – Анастасія Ластачкіна (Вілейскі раён),

Прыз за яркасць музычнага афармлення – Ульяна Кузняцова (Маладзечанскі раён),

Прыз самаму малодшаму ўдзельніку конкурсу – Ксенія Крышаловіч (Ашмянскі раён).

Першая ўзроставая група

1-е месца – Артур Ількевіч (Ашмянскі раён),

2-е месца – Кацярына Шыманоўская (Смаргонскі раён),

3-е месца – Максім Гаўрылкевіч (Смаргонскі раён).

Другая ўзроставая група

1-е месца – Вадзім Авіжыч (Ашмянскі раён)

2-е месца – Марыя Райкевіч (Вілейскі раён),

3-е месца – Дыяна Бажко (Маладзечанскі раён).

Трэцяя ўзроставая група

1-е месца – Наталля Ламака (Маладзечанскі раён),

2-е месца – Кацярына Барташэвіч (Вілейскі раён),

3-е месца – Алена Ранцава (Ашмянскі раён).

Чацвёртая ўзроставая група

1-е месца – Раман Брыжынскас (Маладзечанскі раён),

2-е месца – Таццяна Макарэвіч (Вілейскі раён),

3-е месца – Андрэй Луд (Смаргонскі раён).

Гран-пры фестывалю атрымала двухразовая фіналістка рэспубліканскага конкурсу “Песня для Еўрабачання” маладзечанка Дар’я Атрошанка. Пад час узнагароджання ў яе вачах былі слёзы.

Дар'я Атрошанка

Изображение 17

“Безумоўна, плакала і я, калі даведалася пра перамогу дачкі – маю за сабой такі грашок”, – сказала карэспандэнту Край.бай маці пераможцы Таццяна Атрошанка. Яна таксама расказала, што ў дзень выступлення Даша прыхварэла, раніцай у яе была тэмпература. Але дзяўчынка прыняла лекі, трошкі адпачыла і адправілася на конкурс. Яна выконвала песню "Мы вітаем сонца" на словы Наталлі Танюкевіч, музыка Алены Атрашкевіч, а таксама ўласную песню "А-а!!!".

Паводле інфармацыі аргкамітэта, маладзечанцы атрымлівалі Гран-пры ў 1999, 2000, 2005, 2006, 2007, 2010, 2011 і 2012 гадах. Такім чынам, у дзевяты раз Гран-пры конкурсу – у прадстаўнікоў Маладзечанскага раёна.

На закрыцці фестывалю начальнік аддзела культуры Маладзечанскага райвыканкама Аляксандр Рамановіч перадаў глобус “Адной зямлі” свайму калегу – начальніку аддзела культуры Валожынскага райвыканкама Вікенцію Адамовічу. Наступны фестываль пройдзе ў Валожыне.

Изображение 18

Сцяг “Адной зямлі” спусцілі Аляксандр Рамановіч, Вікенцій Адамовіч і Дар’я Атрошанка.

Валянцін ЦІШКО
Фота Валерыя ТРАЦЯКА



Читайте также

Из республиканского бюджета возьмут более 11 миллионов рублей на потребности МВД
В Беларуси перераспределят расходы республиканского бюджета на потребности Министерства внутренних дел Республики Беларусь.
"Получили аттестаты — вот и все торжество". Как отмечали выпускной мамы и бабушки в Молодечненском районе
Выпускница Красненской школы Дарья Орлович, ее мама Наталья и бабушка Александра Пиляк рассказали, как в их времена проходило прощание со школой.
Недалеко от дач – в Молодечненском районе потерялся мужчина
Спасатели искали пропавшего мужчину в лесном массиве вблизи садового товарищества «Веснянка-2004», около деревни Бояры Молодечненского района.