Опубликовано: 20 марта 2014, 09:54
16

Акварэлі, якія могуць узняць настрой, выстаўляюцца ў Маладзечне

Выстава «Акварэлі вясны» працуе ў фае трэцяга паверха Палаца культуры Маладзечна на працягу сакавіка. Аўтар работ – мастачка Галіна Сушко.

Як паведаміла Край.бай Галіна Сушко, на выставе можна ўбачыць 13 акварэльных мастацкіх вобразаў: «Яны адлюстроўваюць вясну: пейзажы і кветкі. Гэта творы розных гадоў. Выстава стваралася як сімвалічны падарунак усім жанчынам напачатку вясны дзеля ўсмешак, радасці, добрага настрою».

Свае акварэлі мастачка лічыць тэрапеўтычнымі. «Мае работы не маюць грамадзянскай пазіцыі, у іх няма манументалізму. Іх прызначэнне – узнімаць настрой, выклікаць станоўчыя эмоцыі, – сцвярджае яна. – Гэта не музейныя працы, хутчэй інтэр’ерныя: тыя, што прыемна мець дома».

Аўтар выставы паведаміла, што акварэлі змяшчаюць выключна беларускія пейзажы, якія ўвасабляюць найбліжэйшыя ваколіцы, і кветкі, сабраныя ў лясах і на мясцовых клумбах.

Выстава – першая ў гэтым годзе, але не першая ў творчай біяграфіі Галіны Сушко. Былі і персанальныя выставы, і ўдзел у гарадскіх творчых форумах.

Галіна Сушко скончыла Беларускую дзяржаўную акадэмію мастацтваў. Яе спецыялізацыя – мастак па інтэр’ерах. «Шмат інтэр’ераў зроблена і ў Маладзечне: напрыклад, офіс адной з будаўнічых фірм, гарадскі аўтавакзал. Там можна натрапіць і на мае жывапісныя работы», – расказала мастачка.

Сёння аўтар выставы – кіраўнік народнай студыі выяўленчага мастацтва Палаца культуры Маладзечна, выкладае дзецям мастацтва жывапісу, разам з імі выязджае на пленэры, ладзіць выставы.«Пейзажы – гэта для сябе, – сцвярджае суразмоўца. – Гэта мой уласны спосаб адпачынку, медытацыі».

Некаторыя з пейзажаў, якія ёсць на выставе, прысвечаны малой радзіме Галіны Сушко – вёсцы Залессе Смаргонскага раёна. Цяпер мастачка рыхтуецца да выставы, прысвечанай Міхалу Клеафасу Агінскаму. Час і месца новай выставы яшчэ вызначаюцца.

Вольга НЯЎЗОРАВА



Читайте также

ПЦР-исследования на COVID-19 можно сделать только в государственных лабораториях
Минздрав отменил проведение ПЦР-исследований на COVID-19 в лабораториях частных медицинских центров.
«Люди решили в «лапти» обуться». Побывали на ярмарке в Вилейке – будто в 90-ых оказались
Последняя весенняя ярмарка развернулась на Центральной площади. Ожидали унюхать запах шашлыков и кофе, услышать артистов или музыку. Но нет. Увидели ажиотаж и очереди за всем, что «по 10 рублей», на куртки из кожзама и «китайские» шлепанцы.
Cирены переполошили молодечненцев – на тушение пожара приезжали две машины спасателей
Размеренность выходного дня в Молодечно на улице Франтишка Скорины 22 мая потревожил вой пожарных сирен. Во двор дома №20 заехали две машины спасателей. Узнали, что случилось.