Опубликовано: 03 февраля, 10:36
1020

У Будслаўскім касцёле плануюць скончыць рамонт даху праз два гады, а рэстаўрацыя інтэр'ераў расцягнецца на 11 гадоў

Нацыянальны санктуарый Маці Божай у Будславе паведаміў, што яшчэ патрэбна зрабіць для аднаўлення будынка і ў якія тэрміны.

Інфармацыю пра гэта размясціў Нацыянальны санктуарый Маці Божай у Будславе.

Ганак дэмантуюць, а потым рэстаўруюць

Касцёл у сацсетках адзначае, што трэба зрабіць хуткім часам. Па-першае – умацаваць купал: на гэта патрэбна 150 000 рублеў. А пры наяўнасці сродкаў – аднавіць купальны жывапіс.

Комплекс-навукова-даследчых работ і маніторынг стану канструкцый будынка касцёла патрабуе 140 000 рублеў у год. Таксама патрабуюцца грошы на праектныя работы, колькі – пакуль не вызначана.

Праект капітальнага рамонту будынка касцёла пачалі распрацоўваць у снежані 2021 года. У гэтым годзе пад усім будынкам абудзецца ўзмацненне падмуркаў. Зробяць гідраізаляцыю і адвод грунтавых вод: неабходны дадатковыя даследаванні тэрыторыі з геарадарам. Як адзначаецца, гэта самая галоўная задача.

Ганак дэмантуюць для ўмацавання падмурка, пазней абудзецца яго ўзнаўленне. Сцены і скляпенні маюць шмат расколін, магчыма выпадзенне часткі падпружнай аркі ў правым нефе. Таму іх будуць узмацняць.

Таксама ў 2022 годзе плануюцца работы па мантажу электраправодкі, рэстаўрацыя купала.

Пачнуцца работы па рэстаўрацыі касцёла Наведвання Найсвяцейшай Панны Марыі.

Самыя доўгія – работы па фрэскаваму жывапісу

У наступным 2023 годзе працягнецца ўзмацненне падмуркаў, работы па гідраізаляцыі цокальнай часткі, дрэнажу і ганку. Часовае пакрыццё даху дэмантуюць і зробяць сталы дах. ️Заканчэнне работ па асноўным даху плануецца ў 2024 годзе.

Самы доўгі працэс займе рэстаўрацыі інтэр'ераў: з 2024 па 2033 год. Работы могуць праводзіцца толькі з мая па верасень. Доўгі тэрмін звязан з павольным прасыханнем сцен і працэсам выхаду соляў на фрэскавы жывапіс.

Пытанне аб рэстаўрацыі аргана застаецца адкрытым, адзначаецца ў сацсетках  касцёла.

Нацыянальны санктуарый Маці Божай у Будславе паведаміў, колькі грошай было сабрана і выдаткавана. Усяго сабралі 1 392 472 рублеў, 627 970 – ахвяраванні ад фізічных асоб, 565 224 – спонсарская дапамога ад юрыдычных асоб, 30 000 – сродкі рэспубліканскага суботніка.

Вядуцца даследаванні і разлік патрэбных сум для іх выканання. Засталося 68 333 рублеў.

Больш пра аднаўленне пасля пажару ў Будслаўскім санктуарыі чытайце ў спецыяльнай рубрыцы.

Фатаграфіі з інстаграм-акаунта budslau



Читайте также

BETERA – новый лидер на белорусском рынке гемблинга
Компания «СТАТУСКВО» анонсирует запуск нового бренда.
Житель Радошковичей «потерял» в интернете 10 тысяч рублей: хотел продать гидравлический мотор
На днях в милицию поступило сообщение от обманутого жителя Молодечненского района, который пытался продать товар, но перешел по ссылкам на сторонние ресурсы и лишился денег.
«Самое сложное – смотреть на муки пациентов». Студенты рассказали, как проходят практику в Молодечно
Мы расспросили студентов-медиков – не разочаровались ли они после теоретических занятий от встречи с реальными пациентами и болезнями. Или, может, передумали стать врачом?