Каталіцкія восеньскія Дзяды ў Смаргоні адзначаць 1 і 2 лістапада
Памінальны абрад будзе выкананы смаргонскімі работнікамі культуры сумесна з каталіцкай супольнасцю на гарадскіх могілках.
Як паведаміла Край.бай метадыст па фальклоры раённага метадычнага цэнтра народнай творчасці Галіна Крацянок, традыцыі менавіта такім чынам сустракаць восеньскія Дзяды ўжо шмат гадоў:
– Абрад памінання продкаў адбываецца звычайна ўвечары. Працэсія з запаленымі свечкамі ў суправаджэнні аркестра накіроўваецца да галоўнага крыжа на могілках. Пачынаюць абрад супрацоўнікі раённага метадычнага цэнтра і раённага Дома культуры, якія чытаюць словы памінання продкаў: бацькоў, дзядоў.
Працягвае памінанне ксёндз, які выказвае ўдзячнасць выканаўцам і словамі “З верай і спакоем даверым нашы сэрцы святой месе” пачынае богаслужэнне па каталіцкім абрадзе.
Як паведаміла суразмоўца, такім чынам успомняць продкаў на ўсіх гарадскіх могілках, якіх у Смаргоні тры.
На старых могілках памінальнае богаслужэнне 1 лістапада правядзе пробашч касцёла Святога Міхаіла Архангела Здзіслаў Вэдэр.
Вольга НЯЎЗОРАВА
Нашли ошибку в тексте? Выделите ее и нажмите Ctrl + Enter
Читайте также
