Опубликовано: 05 июня 2014, 21:47
22

На літаратурнай вечарыне ў Германавічах, прысвечанай Васілю Быкаву, прысутнічалі глыбачане (ФОТА)

У вёсцы Германавічы Шаркаўшчынскага раёна 31 мая прайшла літаратурная вечарына, прысвечаная памяці Васіля Быкава, 90-годдзе з дня нараджэння якога будзе адзначацца 19 чэрвеня.

Арганізавала мерапрыемства кіраўнік культурна-асветніцкага Цэнтра імя Язэпа Драздовіча Ада Райчонак, пішуць Весткі. На вечарыне прысутнічалі жыхары Шаркаўшчыны і раёна, госці з Наваполацка, Мінска, Глыбокага.

Изображение 1

У сваім уступным слове Ада Райчонак нагадала прысутным пра асобу Васіля Быкава, пра свае стасункі з ім. Адзначыла выступоўца і тое, што ў апошнія тры месяцы пайшлі з жыцця тры паэты, з якімі ў яе былі добрыя сяброўскія адносіны. Гэта Рыгор Барадулін, Давід Сімановіч і Генадзь Бураўкін.

Як раз у гэты дзень у Мінску адбывалася пахаванне Генадзя Бураўкіна, які памёр 30 траўня. Прысутныя ўшанавалі яго памяць хвілінай маўчання.

Пасля выступілі мясцовыя паэты, якія прачыталі свае вершы, а напрыканцы – кіраўнік Шаркаўшчынскай творчай суполкі “Світанак” Кацярына Сосна.

Изображение 4

Потым адбыўся канцэрт народнай музыкі, дзе выступіў фальклорны гурт “Варган” з Наваполацку пад кіраўніцтвам Вольгі Емяльянчык. Калектыў выканаў беларускія народныя песні, якія былі сабраны падчас этнаграфічных вандровак па розных мясцінах Беларусі.

Изображение 3

Выступілі таксама хлопцы з Мінску Раман Яраш і Віктар Сямашка, якія прадставілі ігру на народных інструментах. Свае песні пад гітару выканаў Стась Сілка з Віцебску.

Изображение 2

Паводле Вестак



Читайте также

В Глубоком – вишневой столице Беларуси – зацвела сакура
Сакура цветет во дворе у местной жительницы. Небольшое деревце около полутора метров высотой, на котором пока практически нет листьев, усыпано пышными цветами.
Провести ПЦР-исследования на COVID-19 белорусы смогут только в государственных лабораториях
Минздрав отменил проведение ПЦР-исследований на COVID-19 в лабораториях частных медицинских центров.
В Вилейском районе горели два сарая, баня и летняя кухня: погибли домашние животные
Пожар произошел вечером 18 мая в деревне Снежково. В службу спасения позвонили местные жители, сообщившие, что у соседа во дворе – задымление.