Опубликовано: 12 марта 2015, 13:39
25

Кнігу пра жыццё «звычайнай беларускай жанчыны» выдала маладзечанская паэтка Антаніна Рудзь

У выдавецтве «Ковчег» выйшла першая кніга жыхаркі Лебедзева Антаніны Рудзь «Я из прошлого века».

Аб гэтым 11 сакавіка паведамляе сайт «Маладзечанскай газеты».

Вершы ў зборніку скампанаваныя па тэматыцы. Многія прысвечаны жаночаму ўспрыняццю, разуменню паняццяў мацярынства, шчасця, кахання, беларускай прыродзе, вайне.

«Вельмі спадзяюся, што мая першая кніга знойдзе сваіх чытачоў, якія зразумеюць, што гэта не проста вершы, а проза жыцця звычайнай беларускай жанчыны. Яе погляд на свет, яе пытанні гэтаму свету, яе мары, сутнасць, – адзначыла аўтар. – Ужо сама назва сведчыць аб тэматыцы майго зборніка. У першую чаргу ён пра жанчын і для жанчын. У аснове некаторых твораў – гісторыі з жыцця сябровак, знаёмых, якія ўскалыхнулі душу і выліліся ў вершаванай форме».

Хутка зборнік з’явіцца на паліцах кніжных магазінаў, у тым ліку і маладзечанскай кнігарні «Спадчына».

Паводле сайта газеты «Маладзечанская газета»