Опубликовано: 03 декабря 2015, 13:52
19

Мастак-жывапісец Алег Драбышэўскі падараваў смаргонскаму музею карціну «Паўночныя Афіны Агінскага» (ФОТА)

27 лістапада ў Смаргонскім гісторыка-краязнаўчым музеі адбылося ўрачыстае адкрыццё персанальнай выставы мастака-жывапісца Алега Драбышэўскага «Прыгажосць…». Аўтар, ураджэнец Астравецкага раёна, прысвяціў яе юбілейнай даце – 250-годдзю з дня нараджэння М.-К. Агінскага.

Пра гэта парталу Край.бай расказала дырэктар Смаргонскага гісторыка-краязнаўчага музея Марына Кіроўская.

Галоўнымі рысамі творчасці Алега Драбышэўскага з’яўляюцца непасрэднасць успрымання прыроды, лірызм і тонкасць увасаблення яе прыгажосці. У сваіх працах жывапісец удала спалучае два напрамкі рэалістычнага мастацтва – класічны і сучасны. Яго творам уласцівы прафесійная кампазіцыйная завершанасць, дасканалая перадача колеравай  гамы, арыгінальнасць тэхнікі – «аксамітнасць», элементы імпрэсіянізму, рамантычны настрой.

Алег Драбышэўскі

Изображение 1

Па словах дырэктара музея, аўтар правёў вельмі цікавую прэзентацыю-экскурс сваёй выставы. Наведвальнікі мелі магчымасць не толькі ўбачыць прыгажосць карцін, але і адчуць унутраны стан мастака, дзякуючы якому яны былі напісаны.

Изображение 4

Изображение 2

Изображение 3

– Не абышлося і без прыемных падарункаў – карціна «Паўночныя Афіны Агінскага» назаўсёды застанецца ў фондах музея, – дадала Марына Кіроўская.

Карціна «Паўночныя Афіны Агінскага»

Изображение 5

Выстава працягне сваю працу ў выставачнай зале Смаргонскага гісторыка-краязнаўчага музея да 27 снежня.

Даведка Край.бай: Алег Аляксандравіч Драбышэўскі нарадзіўся ў пасёлку Гудагай Астравецкага раёна Гродзенскай вобласці. Зараз жыве і працуе ў Мінску.

Вучыўся ў Беларускім дзяржаўным тэатральна-мастацкім інстытуце, скончыў БДУ. Прафесію мастака, кіраўніка выяўленчай студыі атрымаў у Мінскім педінстытуце, прайшоў курс навучання ў пецярбургскіх мастацтвазнаўцаў. Выкладаў выяўленчае мастацтва, сусветную мастацкую культуру, працаваў мастаком у выдавецтве «Тэхнапрынт», вядучым мастацкім рэдактарам, загадчыкам мастацкай рэдакцыі ў выдавецтве «Беларуская Энцыклапедыя імя П. Броўкі».

Працаваць мастаком і ўдзельнічаць у выставах Алег Драбышэўскі пачаў  з 1970 года.

Марына ЖАКАЎКА і па матэрыялах, прадастаўленых Край.бай дырэктарам Смаргонскага гісторыка-краязнаўчага музея Марынай КІРОЎСКАЙ
Фота прадастаўлены Край.бай Марынай КІРОЎСКАЙ

Наши новости и фотографии в Инстаграме

Читайте также

В Вилейке выбрали лучшего молодого педагога – 2021. Вот кто им стал
С 1 марта по 5 мая среди педагогов со стажем работы до 5 лет проводился районный конкурс профессионального мастерства педагогических работников «Молодой педагог – 2021».
В Молодечно на Великом Гостинце горел бывший пункт приема стеклотары
Здание бывшего пункта приема стеклянной тары горело в Молодечно на Великом Гостинце, 82а. Люди не пострадали.
Более 80 бывших белорусских силовиков лишены званий. Стали известны их фамилии
Александр Лукашенко 4 мая подписал Указ №174, в соответствии с которым более 80 бывших военнослужащих и сотрудников различных силовых ведомств лишены воинских и специальных званий.