Старыя вясельныя здымкі маладзечанцаў могуць прыняць удзел у культурным праекце
Мэта праекта: захаваць традыцыйную культурную спадчыну маладзечанцаў праз збор і папулярызацыю вясельных сямейных архіўных здымкаў.
А таксама вывучэнне вясельнай абраднасці рэгіёна. Вяселле – гэта магчымасць пабачыць усю прыгажосць і моц беларускай традыцыі ў адным абрадзе. Значную каштоўнасць складае вывучэнне рэгіянальных асаблівасцей вясельнага абрада.
Централізаваная клубная сістэма Маладзечанскага раёна і этнаграфічны клуб Кола сумесна з VEHA.by распачынае сацыяльна-культурны праект “Вясельны вянок Маладзечаншчыны”, распавяла kraj.by метадыст па фальклору клуба "Kола" Вольга Трубач.
Праект рэалізуецца праз арганізацыю наступных мерапрыемстваў:
1) збор здымкаў з сямейных архіваў (візуальная частка вяселля) і стварэнне выставы (плануецца ў траўні),
2) арганізацыя этнаграфічных экспедыцый па заяўленай тэме і як вынік рэканструкцыя шлюбнага касцюма,
3) дэманстрацыя рэканструкцыі вясельнага абрада падчас выставы,
4) стварэнне і выданне па выніках збору здымкаў альбома і яго PDF-версіі.
Сямейныя архівы ўтрымліваюць шмат этнаграфічных і краязнаўчых звестак: знешнія праяўленні, асаблівасці абраднасці, мясцовую спецыфіку.
На здымку: Чапурок Данута Іосіфаўна 1940 г.н. і Чапурок Іван Аляксандравіч 1935 г.н. 23.05.1959 г. Валожын. Вяселле адбывалася ў Ермаках (у маладога) і Каменшчыне (у маладой)
Тэма вяселля закранула кожную сям’ю рэгіёна, таму сямейныя фото-альбомы з’яўляюцца змястоўнай крыніцай для даследвання калектыўнай культурнай памяці Маладзечаншчыны. Цікавасць складаюць сямейныя здымкі ўключна па 1960 год.
Маладзечанцам прапануюць далучыцца да праекта і заглянуць у свой сямейны фотаальбом, адабраць вясельныя здымкі і пабачыць іх на выставе “Вясельны вянок Маладзечаншчыны”.
Патрабаванні да здымкаў:
1. Здымкі з сямейнага архіва на вясельную тэму да 1960 г., зробленыя на тэрыторыі Маладзечанскага раёна.
2. Здымкі дасылаць на емейл kolaclubmolod@gmail.com або прыносіць для сканавання на адрас: г. Маладзечна, вул. Лібава-Роменская, 71, другі паверх для метадыста па фальклору Вольгі Трубач (МТС (029) 535-31-05).
3. Пажаданыя параметры здымкаў: 600dpi (JPG, TIF-файлы).
4. Апісанні здымкаў:
- назва месца, дзе зроблены здымак,
- дата, калі зроблены здымак,
- подпісы людзей на здымку (імя, імя па бацьку, прозвішча, гады жыцця),
- кароткая гісторыя падзеі, адлюстраванай на здымку (па жаданню). Здымкі можна дасылаць да 31 сакавіка 2018 года.
*Увага! Калі тэхнічныя параметры здымка не будуць дазваляць выкарыстоўваць яго на выставе, то фота будзе размешчана на сайце этнаграфічнага клуба «Кола» у раздзеле “Вясельны вянок Маладзечаншчыны”.
Kraj.by
Нашли ошибку в тексте? Выделите ее и нажмите Ctrl + Enter