Беларускі вучоны-геолаг і пісьменнік Радзім Гарэцкі 23 кастрычніка выступіць у Маладзечне
Сустрэча з беларускім вучоным-геолагам і пісьменнікам Радзімам Гарэцкім адбудзецца у бібліятэцы сямейнага чытання “Верасок”.
Аб гэтым парталу Край.бай паведаміла загадчык аддзела абслугоўвання і інфармацыі Маладзечанскай цэнтральнай бібліятэкі імя Максіма Багдановіча Таццяна Закрэўская.
Сустрэча, падчас якой пісьменнік раскажа пра сябе і сваю творчасць, пройдзе ў канферэнц-зале бібліятэкі. Уваход вольны. Пачнецца мерапрыемства ў 17.00.
Даведка: Радзім Гаўрылавіч Гарэцкі (7 снежня 1928 года, Мінск) – беларускі геолаг, акадэмік АН Беларускай ССР (1977, член-карэспандэнт з 1972), доктар геолага-мінералагічных навук. Заслужаны дзеяч навукі БССР (1978). Замежны член Расійскай акадэміі навук (1994).
Радзім Гарэцкі, сын Гаўрылы Гарэцкага, аднаго з заснавальнікаў і першых правадзейных членаў Беларускай акадэміі навук, пляменнік Максіма Гарэцкага, які быў выдатным беларускім пісьменнікам.
З 1990 года Радзім Гарэцкі – член Рады, а з 1993 – прэзідэнт згуртавання беларусаў свету «Бацькаўшчына». Актыўна працаваў з беларускай дыяспарай, быў адным з арганізатараў з'ездаў беларусаў свету. Член рады Таварыства беларускай мовы, Беларускага фонду культуры і інш.
У кнізе «Ахвярую сваім „Я“… (Максім і Гаўрыла Гарэцкія)» (1998) апісаў трагічны лёс сваіх блізкіх. У 2013 годзе выйшла кніга публіцыстычных артыкулаў, лірычных замалёвак, мініяцюр і эсэ «Жыццёвы меланж».
be.wikipedia.org
Марына ЖАКАЎКА
Читайте также
