На фэсце святога Антонія ў Параф’янаве Докшыцкага раёна спяваў бард Віктар Шалкевіч

Планавалі, што бард будзе весяліць народ пад адкрытым небам каля парафіяльнага дома. Але надвор’е прымусіла перанесці канцэрт у касцёл. Віктар Шалкевіч спяваў проста з амбоны, пішуць Весткі.

“Пахвалёны Езус Хрыстус”, – прывітаўся бард са слухачамі. А паслухаць беларускія песні засталося каля паўтары сотні чалавек.

Бард Віктар Шалкевіч

Віктар Шалкевіч выканаў з паўтузіна песен. Бард падабраў кампазіцыі, якія так ці інакш адлюстроўваюць штодзённае жыццё Заходняй Беларусі: “Балада пра краўца Кацержука”, “Песня пра трэці май”, “Гарадоцкі раманс”, “Яна – праваслаўная, я – каталік” ды іншыя.

У прыватнай гутарцы Віктар Шалкевіч прызнаўся, што вельмі ўражаны як прыгажосцю параф’янаўскага касцёла, так і добразычлівасцю тутэйшых людзей.

Паводле Вестак