Да фестывалю-кірмашу ў Смаргоні з'явіцца Абаранкавы горад (праграма)
25 мая ў Смаргоні адбудзецца ІІ Фестываль-кірмаш «Смаргонскія абаранкі». Упершыню можна прыняць удзел у выпяканні сапраўдных смаргонскіх абаранкаў.
Асноўная мэта фестывалю – адраджэнне народных традыцый і прэзентацыя Смаргоні як сучаснага горада, які дынамічна развіваецца, але адначасова ў ім паважаюць і захоўваюць нацыянальную гісторыю, паведамляе «Светлы шлях».
Сёлета на тэрыторыі гарадскога парку размесціцца цэлы Абаранкавы горад, на вулачках якіх кожны зможа знайсці забаву да густу.
Смаргонь – радзіма абаранкаў. Але сёння такую прадукцыю выпускаюць і іншыя прадпрыемствы харчовай прамысловасці. Многія з іх, дарэчы, не толькі беларускія, але і замежныя, прадставяць свае абаранкі на фестывалі. Усе ахвотныя змогуць паспытаць іх і выбраць лепшыя.
На вуліцы Абаранкавага горада Вучонай збяруцца дзеці. Для іх будуць працаваць атракцыёны, гульнёва-забаўляльныя праграмы, канцэрты, прэзентацыі стартап-праектаў і школьных бізнес-кампаній.
У адкрыцці фестывалю, якое адбудзецца ў 11.00 на плошчы Спеўнай, прыме ўдзел беларускі дзяржаўны заслужаны харэаграфічны ансамбль «Харошкі». Канцэртную праграму працягнуць творчыя калектывы Смаргонскага, Ашмянскага і Астравецкага раёнаў, а таксама фолк-гурт «Лялькі-карпарэйшн».
Цікавай абяцае быць праграма на вуліцы Мядзведжай. Там збяруцца майстры народнай творчасці. Можна будзе не толькі купіць іх вырабы, але і паспрабаваць сябе ў саломапляценні, вышыўцы, ганчарстве і іншых відах рамёстваў.
На вуліцы Смачнай будуць працаваць гандлёвыя пункты са стравамі беларускай кухні.
Праграма ІІ фестывалю-кірмашу «Смаргонскія абаранкі»
11.00-12.20 – урачыстае адкрыццё фестывалю-кірмашу «Смаргонскія абаранкі». Канцэрт беларускага дзяржаўнага заслужанага харэаграфічнага ансамбля «Харошкі» (стадыён)
10.00-20.00 – выстава-продаж прадпрыемстваў хлебабулачнай галіны, праца вуліцы Абаранкавай (вуліца Балыша)
12.00-14.00 – конкурс-дэгустацыя абараначных вырабаў (вуліца Балыша)
10.00-17.30 – канцэртная пляцоўка «Вянок сяброў» (вуліца Балыша)
10.00-20.00 – выстава-продаж вырабаў майстроў народнай творчасці, майстар-класы па традыцыйнай народнай творчасці (гарадскі парк, вуліца Мядзведжая)
10.00-17.30 – праца вуліцы Вучонай. Гульні, забавы, канцэртна-гульнёвая пляцоўка, выступленні дзіцячых калектываў Смаргонскага раёна, дзіцячыя атракцыёны, аквагрым, прэзентацыі школьных бізнес-кампаній і стартап-праектаў (гарадскі парк, вуліца Вучоная)
10.00-17.30 – праца вуліцы Арцельнай, стылізаваных арцеляў па вырабу абаранак. Гульнёвыя і тэатралізаваныя дзеі, выступленні самадзейных калектываў Смаргонскага раёна, майстар-класы па вырабу абаранак, дэгустацыя хлеба (гарадскі парк, вуліца Арцельная)
10.00-17.30 – праца завулка Вясёлага. Выступленні тэатраў мініяцюр, жарты, забавы, гульні (гарадскі парк, завулак Вясёлы)
10.00-20.00 – праца вуліцы Смачнай, вулічных кафэ, продаж страў беларускай кухні (гарадскі парк, вуліца Смачная)
12.30-17.00 – спартыўныя гульні і забавы, спаборніцтвы «Смаргонскі асілак», кідкі гір на дальнасць, «фермерскі шпацыр», спаборніцтвы «Моц і прыгажосць», фестываль бегу «Смаргонская дзясятка» (стадыён)
14.00-18.00 – канцэртная пляцоўка «Плошча Спеўная». Выступленні самадзейных творчых калектываў Смаргонскага, Ашмянскага і Астравецкага раёнаў, канцэрт фолк-гурта «Лялькі-карпарэйшн» (гарадскі парк, амфітэатр)
18.00-18.40 – падвядзенне вынікаў фестывалю-кірмашу (амфітэатр)
18.40-20.30 – канцэрт поп-фолк-гурта «Лялькі-карпарэйшн» (амфітэатр)
Нашли ошибку в тексте? Выделите ее и нажмите Ctrl + Enter
Читайте также
