Опубликовано:
726

Міністр культуры Беларусі: На фестывалі «Маладзечна-2016» не хапае беларускай паэзіі

На фестывалі «Маладзечна-2016» на першым месцы павінна быць беларускае слова, лічыць міністр культуры Беларусі Барыс Святлоў.

Пра гэта ён расказаў журналістам у дзень адкрыцця Нацыянальнага фестывалю беларускай песні і паэзіі, 10 чэрвеня.

 Изображение 2

Барыс Святлоў адзначыў, што фестываль штогод не прысвечаецца цалкам нейкай асобнай падзеі ці асобе, але грунтуецца на пэўныя даты. Сёлета акцэнты расстаўленыя на трох падзеях. Гэта і год культуры Беларусі, і атрыманне горадам Маладзечна статусу культурнай сталіцы, і, вядома ж, 75-годдзе Уладзіміра Мулявіна.

– Я быў асабіста знаёмы з Мулявіным, але не блізка. Мы жылі як бы ў розных вымярэннях – сказвалася і розніца ва ўзросце. Памятаю, як сустрэў яго ў першы раз. Я, старшакласнік, гуляў у цэнтры Мінска і ўбачыў «Песняроў». Яны ўжо тады набіралі вядомасць. Да гэтага часу памятаю, што тая сустрэча адбылася каля кінатэатра «Перамога», – сказаў міністр.

На фестывалі ён асобна адзначыў выставу невядомых фотаздымкаў Уладзіміра Мулявіна, што адкрылася ў Палацы культуры 10 чэрвеня, сказаў, што абавязкова наведае яе.

Барыс Святлоў 10 чэрвеня ў Маладзечне

Барыс Святлоў 10 чэрвеня ў Маладзечне. Фота Кацярыны Сушко, Край.бай

На думку міністра культуры, на фестывалі на першым месцы павінна быць беларускае слова.  

– Мне заўсёды на гэтым фестывалі не хапае паэзіі, – сказаў ён і дадаў, што ў перспектыве трэба знайсці спосаб, каб беларуская паэзія гучала не толькі на паэтычнай гасцёўні, але і з галоўнай сцэны. – Я з радасцю падтрымаю ўсе пачынанні ў гэтым накірунку, – запэўніў ён.

Валянцін ЦІШКО
Фота Кацярыны СУШКО

Если вы заметили ошибку в статье и хотите сообщить нам об этом, пожалуйста, выделите её и нажмите Ctrl+Enter
смотреть другие новости рубрики »

МНЕНИЯ ПОЛЬЗОВАТЕЛЕЙ

  • Третьим буду 13 июня 2016 в 7:19:27
    хороший )) Упс гы-гы..
  • Третьим буду 13 июня 2016 в 7:18:27
    Опять песню "Маладзечна" не разрешили, очень жаль :(( А салют был как всегда хорошый...
  • Васілёк 13 июня 2016 в 6:15:38
    Малайчына, міністр! Поўнасцю згодна!
  • Advakat 12 июня 2016 в 18:45:16
    Зёлка, чего хотеть... Если Лученок заявляет, что "Мулявин - русский человек".... "великого Советского Союза"?..
    А судьи кто, как у классика?
  • Зёлка 11 июня 2016 в 17:18:05
    Во-во. А ў першы дзень на Цэнтральнай плошчы спявалі рускія пацешкі і "Ему не нужна амеріканская жена". Самае тое для свята беларускай песні і паэзіі.

Добавить комментарий

Имя (обязательно) Email (обязательно) Год
Отправить
Правила размещения комментария