Свята Багач у Вязынцы

Свята Багач у Вязынцы

Студэнцкае этнаграфічнае таварыства і Дзяржаўны літаратурны музей Янкі Купалы зноў запрашаюць усіх на святкаванне Багача ў Вязынцы.

Сёлета свята адбудзецца 26 верасня, пачатак у 12.30.

У народным календары Багач прымеркаваны да заканчэння збору ўраджая (“к гэтаму часу ў кожнага ўсяго багата”) і да першага пасля лета запальвання хатняга агменю – васковай свечкі ў лубцы з жытам, якую ставяць на покуць і захоўваюць там на працягу ўсяго года для забеспячэння багацця і шчасця гаспадарам.

Асноўнай дзеяй свята з'яўляецца ссыпанне агульнага Багача, таму мы зноў просім усіх нашых гасцей захапіць з сабой па жменьцы зерня.

У праграме свята – урачысты абрад-абыход, дажынкавыя і восеньскія спевы з розных рэгіёнаў Беларусі, святочныя пачастункі (хатні хлеб і мёд, хатні сыр), а таксама майстар-класы па рамёствах, дзіцячыя гульні, кухня і кірмаш, а пад вечар – традыцыйныя танцы!

ПАДРАБЯЗНАЯ ПРАГРАМА

12.30-17.00 – Дзейнічае кірмаш і кухня

12.30-14.00 – Урачысты пачатак свята, традыцыйныя жніўныя і восеньскія спевы ад гуртоў "Гуда", “Мярэжа”, “Горынь”, “Гаманіна”, "Варган", ссыпанне зерня ў лубку і запальванне агульнай свячы

14.00-15.00 – Майстар-клас "Экагабелен" (тарэц сцяны цэнтральнага будынка музея каля танцавальнай пляцоўкі)

14.00-15.30 – Майстар-класы

14.00-17.00 – Вечарынка народных танцаў ад клуба традыцыйнага танца "Сіта" і капэлі "Колісьнія"

Для ўваходу на тэрыторыю музея, дзе адбудзецца свята, трэба будзе набыць музейны квіток. 

Кошт квіткоў: дарослыя – 4 руб., студэнты 3 руб., дзеці – 2 руб.

Тым самым мы з радасцю падтрымліваем дзейнасць музея!

Паглядзіце, як праходзіў Багач у мінулыя гады

Добавить комментарий

Я не зарегистрирован

Ваша личная информация не будет опубликована.
Поля, отмеченные *, обязательны

Я зарегистрирован