Парафіяльны фэст у Будславе

Дата Время Цена Место Примечание
2 июля 09:00 Костел Успения Пресвятой Девы Марии в Будславе
2 июля 12:00 Костел Успения Пресвятой Девы Марии в Будславе
2 июля 18:00 Костел Успения Пресвятой Девы Марии в Будславе

Паведамленне Курыі Мінска-Магілёўскай архідыяцэзіі адносна святкавання ўрачыстасці Маці Божай Будслаўскай у Нацыянальным санктуарыі ў аг. Будслаў узята з сайта catholic.by.

1. Згодна з рашэннем 78-га надзвычайнага пленарнага пасяджэння Канферэнцыі Каталіцкіх Біскупаў у Беларусі ад 25 мая 2020 г., Курыя Мінска-Магілёўскай архідыяцэзіі паведамляе, што планаваны на 3-4 ліпеня г.г. агульнанацыянальны Будслаўскі фэст пераносіцца на пазнейшы час. Пра магчымасць яго правядзення будзе паведамлена пазней.

2. 1-2 ліпеня ў Будславе адбудуцца штогадовыя парафіяльныя адпустовыя ўрачыстасці, на якія запрашаюцца шанавальнікі Маці Божай. Парадак набажэнстваў наступны:

1 ліпеня – 18.00
2 ліпеня – 9.00, 12.00, 18.00

3. Усе святыя Імшы будуць цэлебравацца на адкрытым паветры.

4. Пасля cвятой Імшы 2 ліпеня а 12-й гадзіне адбудзецца эўхарыстычная працэсія з копіяй цудадзейнага абраза на прыкасцёльнай тэрыторыі.

5. Вялікая просьба да вернікаў прыступіць да сакрамэнту споведзі ў сваіх парафіях.

6. Падчас адпустовых урачыстасцяў праход у прэзбітэрый і ў стары касцёл будзе закрыты для вернікаў. Для ўшанавання абраза Маці Божай можна будзе ўвайсці ў базыліку праз цэнтральны ўваход, па цэнтральнай наве падысці да прэзбітэрыя і выйсці праз левую наву.

7. Ваду для асвячэння просьба прывозіць з сабой. Благаслаўленне вады і рэлігійных рэчаў будзе адбывацца пасля кожнай святой Імшы.

8. Інтэнцыі на святыя Імшы просьба запісваць загадзя дома, а ў санктуарыі апусціць іх разам з ахвяраваннямі ў адпаведныя скрынкі, якія будуць знаходзіцца пры ўваходзе ў касцёл. Для выключных выпадкаў пры выхадзе з касцёла прадугледжаны столік з чыстымі карткамі і ручкамі, дзе самастойна можна будзе запісаць інтэнцыі і разам з ахвяраваннямі пакласці ў адпаведныя скрынкі.

9. Усіх, хто будзе ўдзельнічаць ва ўрачыстасцях, просім памятаць аб неабходнасці захавання сацыяльнай дыстанцыі і ўжыванні масак.

Нагадаем, арцыбіскуп Тадэвуш Кандрусевіч сказаў, што вернікі могуць у прыватным парадку прыехаць у Нацыянальны санктуарый на ўрачыстасць Маці Божай Будслаўскай 2 ліпеня. Хоць пажадана пазбегнуць вялікага наплыву людзей з розных мясцовасцяў.

Добавить комментарий

Я не зарегистрирован

Ваша личная информация не будет опубликована.
Поля, отмеченные *, обязательны

Я зарегистрирован