Опубликовано: 25 августа 2016, 14:59
61

Хрысціянскі музычны фестываль “Laudato Si” прайшоў у Беразінскім на Маладзечаншчыне (фота)

Хрысціянскі музычны фестываль “Laudato Si” (“Хвалю Цябе”) прайшоў 20-21 жніўня ў пасёлку Беразінскае Маладзечанскага раёна. Прымала фестываль мясцовая каталіцкая парафія Божага Цела.

Пробашч касцёла а. Сяргей Бараўнёў і быў ініцыятарам правядзення фэсту. А дапамаглі ў падрыхтоўцы музыканты мінскай групы Laudans Андрэй Лугін і Алена Палачанская, яны ж кіравалі плынню музычнага свята.

Падрыхтоўка да адкрыцця

Изображение 1

Пробашч касцёла ў Беразінскім а. Сяргей Бараўнёў

Изображение 2

Алена Палачанская і Андрэй Лугін

Изображение 3

Вядучыя Павел Галваноўскі і Ягор Радкоўскі

Изображение 4

Унікальнасць фестывалю ў тым, што аб’яднаў ён прадстаўнікоў хрысціянскіх канфесій з усёй Беларусі: 18 гуртоў, хораў і салістаў – усяго 91 выканаўца. Журы цяжка было ацаніць выступленні ўсіх удзельнікаў.

Рэгістрацыя ўдзельнікаў

Изображение 5

Народны ансамбль "Братка беларус" (Барысаў)

Изображение 7

Спявае Ірына Марукевіч (Маладзечна)

Изображение 8

Юлія Забельская (Смаргонь)

Изображение 9

Журы фестывалю Дмітрый Арцямёнак, Вера Каханоўская, сястра Марыя

Изображение 6

“Няважна, хто перамог. Мы перамаглі! Таму што знайшлі час, таму што гэта будзе карысна для кожнага з нас, бо будуць успамінаць Беразінскае, будуць успамінаць фестываль і захочуць сабрацца зноў”, – сказаў а. Сяргей Бараўнёў перад цырымоніяй узнагароджвання.

Сярод хораў перамогу атрымаў дзіцячы хор супольнасці “Новае жыццё” (Мінск), другое – хор "Cantate" (Свір Мядзельскага раёна), трэцяе – хор (вакальны ансамбль) “Рэха” (Чэрвень).

Дзіцячы хор супольнасці "Новае жыццё" перамог сярод хораў

Изображение 10

Хор Cantatе (Свір)

Изображение 11

Сярод салістаў першае месца не прысуджалася. Другое заняла Марыя Горадава (Беразінскае), а трэцяе – спявачка Sandrina (Барысаў).

Марыя Горадава

Изображение 12

Сярод гуртоў перамагла сям’я Буракоўскіх (Беразінскае). Другое места – у гуртоў “Пілігрымы” (Смаргонь) і TheBrothers (Мінск). Трэція – “Паміж 2D” (Мінск) i Sound of Faith (Вялікая Бераставіца).

Сямейны гурт Буракоўскіх

Изображение 13

Гурт "Пілігрымы"

Изображение 14

Гурт The Brothers

Изображение 15

Старшыня журы Дмітрый Арцямёнак адзначыў: “Першы блін не атрымаўся комам, хацелася б гэта працягнуць і надалей, хочацца, каб гэта свята стала традыцыяй”.

Гурт Emmaus (Барысаў)

Изображение 16

Гурт TeDeum (Мядзел)

Изображение 18

Гурт Filii Dei (Івянец)

Изображение 19

Айцец Сяргей Бараўнёў падзякаваў валанцёрам і спонсарам, якія дапамагалі ў правядзенні фестывалю, арганізавалі харчаванне і начлег удзельнікаў, прадаставілі апаратуру.

Працуе пункт харчавання

Изображение 20

Гледачы

Изображение 23

Усе ўдзельнікі разам

Изображение 22

Напрыканцы ўсе разам выканалі гімн “Малюся за цябе, Беларусь”, які некалькі гадоў таму напісаў а. Сяргей Бараўнёў.

Больш фотаздымкаў можна ўбачыць ТУТ.

Валеры ТРАЦЯК
Фота аўтара



Читайте также

Цена деликатеса – сожженный сарай. Мужчина в Браславском районе накоптил рыбы, но лишился сарая
В деревне Лапино Браславского района днем 28 марта загорелся сарай на частном подворье. Хозяин не пострадал и даже покушал копченой рыбы, но хозпостройки у него больше нет.
Права на 20 лет и техосмотр на 3 года. Какие изменения вносит новый указ?
Проведение более 200 административных процедур корректируется в Беларуси. Соответствующий указ №55 подписан 16 февраля.
Сегодня ГАИ проводит профилактику безопасного передвижения на средствах персональной мобильности
29 марта Госавтоинспекция Минской области проводит Единый день безопасности дорожного движения под девизом «Движение по правилам - основа безопасности!».