Білет на «Залатую калекцыю беларускай песні» выйграла Валянціна Церах з Вілейкі

Бясплатны білет на гэта мерапрыемства атрымае Валянціна Церах з Вілейкі. Жанчына прыняла ўдзел у віктарыне Край.бай і правільна адказала на ўсе пытанні.

Валянціна Церах

Пераможца нашага розыгрышу жыве ў Вілейцы. Зараз яна на заслужаным адпачынку. “З сайтам знаёмая даўно, а ўдзел у розыгрышы прымаю ўпершыню”, – адзначыла Валянціна.

Адказы на пытанні:

1) У якім годзе Маладзечна атрымала статус горада?

У 1929 годзе

2) Селета Маладзечна мае статус “Культурная сталіца Беларусі”, а які горад афіцыйна атрымаў гэты статус першым?

Горад Полацк (2010)

3) 125-годдзе якога беларускага паэта, на чые словы напісана шмат вядомых песень, будзе адзначацца ў снежні?

Максіма Багдановіча

4) Назавіце кампазітара і аўтара слоў песні “Купалінка”?

Музыка Уладзіміра Тэраўскага, словы Міхася Чарота

5) Якія народныя артысты Беларусі пачыналі свой шлях у ВІА “Верасы”?

Народныя артысты Беларусі Аляксандр Ціхановіч і Ядвіга Паплаўская

Дана ЗАКРЭЎСКАЯ