Крыж у гонар пакутнікаў за Беларусь з'явіўся ў Любані Вілейскага раёна (фота)
Сёлета да прастольнага свята, якое адзначаецца 10 ліпеня, ля храма з'явіўся вялізны крыж. Ён мае форму крыжа Еўфрасінні Полацкай і ўсталяваны ў гонар пакутнікаў за Беларусь.
10 ліпеня беларускія праваслаўныя вернікі адзначылі свята Сабора беларускіх святых. У прыходзе вескі Любань гэта яшчэ і прастольнае свята, бо ў 2004 годзе новапабудаваная царква была асвечана ў гонар cвятых нашай зямлі.
"З блаславення епіскапа Маладзечанскага і Сталбцоўскага Паўла крыж асвечаны ў гонар пакутнікаў і вызнаўцаў беларускай зямлі і ўсіх вядомых і невядомых людзей, якія загінулі за веру бацькоў і незалежнасць Бацькаўшчыны", – кажа настаяцель айцец Ігар Дражын.
Крыж знаходзіцца на пагорку ля трасы Маладзечна-Мядзел, з якой добра бачныя сам крыж і малітва на ім: "Дабраславі Божа краіну нашу – святую Беларусь!". На другім баку, звернутым да вёскі, малітва: "Збаў, ахіні і памілуй нас, Божа, Тваёй дабрадаццю!"
У цэнтры – старшыня Любанскага сельсавета Уладзімір Чуковіч
Алекс СОМ для Край.бай
Нашли ошибку в тексте? Выделите ее и нажмите Ctrl + Enter