Выстава дзіцячага жывапісу адкрылася ў Маладзечне (ФОТА)
Адкрыццё выставы-конкурсу выяўленчага мастацтва “Фарбы зімы ў народным календары” ў Дзіцячым цэнтры культуры “Расток” адбылося 29 студзеня. На ей прадстаўлены працы ўдзельнікаў ва ўзросце 6-16 гадоў і старэйшых.
У аснову работ леглі дзеі з народных святаў: Каляды, Ражство Хрыстова, Вадохрышча, Грамніцы альбо Стрэчанне, Масленіца.
Як паведамілі Край.бай арганізатары, усяго на конкурс было прадстаўлена больш за 60 работ. Пераможцаў вызначала журы, у склад якога ўвайшлі выкладчыца гімназіі-каледжа мастацтваў Маладзечна Святлана Самалюк, загадчыца аддзялення дэкаратыўна-прыкладнога мастацтва Маладзечанскага музычнага каледжа імя М.-К. Агінскага Людміла Валковіч, загадчыца аддзела выяўленчага і дэкаратыўна-прыкладнога мастацтва Дзіцячага цэнтра культуры “Расток” Вольга Спірыдонава.
Лепшыя работы выбіралі ў трох намінацых: “Жывапіс”, “Графіка” і “Бацік”. У сваіх узроставых катэгорыях прызёрамі сталі: навучэнкі дзіцячай мастацкай школы мастацтваў Сафія Багдановіч і Ксенія Барэйка, вучаніца гімназіі №7 Анастасія Багушэвіч, навучэнка сярэдняй школы №14 Елізавета Балахон, Эльвіна Мамедава з Аляхновіцкай СШ і іншыя.
Работа Ксеніі Барэйкі "Святая ноч"
Малюнак Ульяны Гулецкай "Калядныя забавы"
Вераніка Сачыўка. "Калядная зорка"
Сафія Багдановіч. "Калядоўшчыкі"
Акрамя таго, арганізатары конкурсу адзначылі работы ў дадатковых намінацыях. Сямігадовая вучаніца сярэдняй школы №14 Ангеліна Смока атрымала дыплом у намінацыі “За непасрэднасць”, а праца выхаванца гуртка “Вясёлка” Маладзечанскага цэнтра творчасці дзяцей і моладзі “Маладзік” Данііла Гурыновіча была адзначана ў намінацыі “За тэхнічнасць выканання”.
Данііл Гурыновіч. "Каляды"
Наведаць выставу “Фарбы зімы ў народным календары” можна да 12 лютага.
Па матэрыялах, прадастаўленных Край.бай Дзіцячым цэнтрам культуры “Расток”
Фота прадастаўлены Край.бай Дзіцячым цэнтрам культуры “Расток”
Читайте также
